Mae Hamzah Khaled, 20, wedi bod yn rhoddwr gwaed rheolaidd ers iddo weld cyflwyniad am hynny yn yr ysgol. Yn ei bedwaredd sesiwn rhoi gwaed, a gynhaliwyd yn ei ysgol, y penderfynodd ymuno â Chofrestrfa Mêr Esgyrn Prydain.
“Dywedodd staff yn y sesiwn wrthyf fel mae angen mwy o bobl o gefndiroedd ethnig amrywiol i gynyddu’r siawns o gyfateb cleifion gyda rhoddwr,” meddai Hamzah.
O fewn mis, gofynnwyd i Hamzah – a oedd erbyn hyn ar leoliad yn ystod blwyddyn allan – i ddod yn un o roddwyr mêr esgyrn ieuengaf y wlad.
“Roeddwn yn synnu bod rhywun wedi cysylltu â mi, yn arbennig mor fuan. Penderfynais ei wneud oherwydd roeddwn yn gwybod y byddai’n ddim ond ychydig ddyddiau allan o’m bywyd i i arbed rhywun arall.”
Meddai Hamzah, a oedd yn falch o’r gwahaniaeth a wnaeth drwy achub bywyd, “Byddwn yn gwneud hynny eto, a byddwn yn annog mwy o bobl o gymunedau ethnig i gofrestru.”
